|
t Rechthuus in Westeremmen
Wie fietsen groag en t is ook ja gezond as je op pensioun binnen.
Wie fietsen ook groag in Noord-Grunnen, moar doar is ain noadaail, je kinnen doar hoast gain kovvie kriegen op n terras.
Moar nou hevve we aine vonden, tiedens onze tocht (Wierdenroute van de A.N.W.B), kwammen wie in Westeremmen.
Wie bekeken de mooie kerk en t örgel.
Wieder ging t weer, over de Pastorieweg; doar ston n huus, haarbaarg, wat vrouger gebruukt wer veur de rechtsproak (anno 1629).
Aan de weg n stallegie met zulfgemoakte jam enzukswat en doarnoast n bred, "hier kovvie en thee, cake, kouk en broodjes".
In de toen (aarg mooi) stoulen en toavels.
Doar zatten wie hail genougelk te proaten.
Mit de aigenoar en zien vraaw.
Mit onze lekkere, en nait te vergeten, goudkope kovvie.
Zai hebben alles zulf restaureerd tot de WC aantou, dat allain al een kiekje weert is.
Wie hebben de aigenoar beloofd n stukje op t webstee van Diddeldom te zetten.
Geleuf ons, het is rekloame, moar meer dan de muite weerd veur n bezuik ook veur groepen.
Groetjes van Anja Aten en heur man, dij mie holpen het met dit karwaai, oet Schéwol.
|
