Mopkes.

Wilm waarkde al vaaierntwinteg joar bie t zulfde bedrief, nog noeit was hai te loat kommen en hai was gain dag zaik west."
Dou op n mórgen kwam Wilm veuls te loat, kop in t verbaand, twij tanden der oet.
"t Spiet mie", zee Wilm, "ik bin thoes van de trabbe òfvaaln"
"Oooo", zee zien boas, "en dát mout áánderhaalf uur duren?"

Eppo wil n ezel kopen.
Koopman het der ain stoan veur honderd euro.
Eppo kocht ezel.
Koopman: "Ast mie hom nou betoalst den bring ik die hom mörgen."
Eppo krigt porremenee oet buuts en langt koopman honderd euro tou.
Aanderdoags komt koopman bie Eppo.
Koopman: "Ik heb slecht nijs... Dou ik van bèr òf kwam lag ezel dood ien staal."
Eppo: "Den dou mie dij honderd euro mor weer."
Koopman: "Ken nait, k heb ze al oetgeven..."
Eppo: "Den dou mie dij dooie ezel mor."
Koopman: "Wat wolst doe doar den mit?"
Eppo: "Verlötten!"
Koopman: "Verlötten? Doen kinst toch gain dooie ezel verlötten?"
Eppo: "Dat zelst doe nog wel zain!"
Twij week loater kommen koopman en Eppo mekoar tegen bie slieter Schenker.
Koopman: "Hou ist òflopen mit dij dooie ezel."
Eppo: "Goud, ik heb twijhonderd lötjes verkocht van twij euro t stuk. Achtennegenteg euro verdaaind!"
Koopman: "Gain klachten had?"
Eppo: "Ain, dij heb ik zien twij euro weerom doan..."

Hinderk zien auto hold der opains mit op, n endje boeten Beem.
Hinderk dut motorkap open en kiekt noar motor, net of e der verstand van het.
n Grunneger Bloarkop komt noast hom stoan en zegt: "t Ligt aan d ontsteken."
Hinderk schrikt zuch wild en zet t op n lopen.
Noa n poar honderd meter komt e n boer tegen, hai verteld hom van de proatende kou.
Boer: "Was t aine mit rooie vlekken om d ogen?"
Hinderk: "Joa, joa, dat haar e."
Boer: "Den was t Klazien dattien, dij het haildaal gain verstand van auto's!"

Tammo gaait noar ogendokter.
Tammo; "Dichtbie zai ik wel goud dokter, mor wiedervot nait."
Ogendokter nemt hom mit noar boeten, wist noar de zunne en vragt: "Wat is dat?"
Tammo, haildaal verbalderd: "Dat is de zunne dokter."
Ogendokter: "En hou wied wollen ie den zain?"