Anna Geertruida de Vries-Maarhuis.

Haikoes.

Schoemkoppen bie straand
daanzen broezend over laand
störm staait doar börg veur.

Zun schient mit stroalen
striedend tegen uur en tied
fel, schier, stoeptrekkent.

Blom geft haarsdag aan
bluien is oam op t lest
aal verswind in dook

In laand doar staait zai
mit drij swaart widde strepen
loakenvelder kou.

Weep doalt deel op peer
mit flitterg laange sprieten
kloar veur steek aanval.

Sukkerbait winnen
klaai kloeten vlaigen veurbie
gruin blad nou vot, koal.

Blad vaalt van boom oaf
op grond, as n klaaid zo schier
veujoar gruit weer aan.

De Schriefster

Noam: Anna Geertruida de Vries-Maarhuis.
Geboren: 1939 Laskwerd (stoef bie Schildmeer)
Woont in: Middelsom
Schrift al: Om en bie 25 joar.

Noar schoul goan in: Sibboeren, loader doar ook woonderij had mit mien pa en moeke (op Leentjer). In 1963 bin k traauwd mit Henk de Vries (verhoezer, boderieder) in Hoezen (Huizinge). Schreef in 1989 mien eerste boukje "Maggels", en in 2003 mien twijde "Laifkeblommen", gedichtjes over laifde. Mien daarde boukje gaait over hail aans wat, mien man is drij leden oet tied kommen (Alzheimer) doar schrief k over. Dou t om aander lu doar mit te helpen. k Schrief in mien mouderstoal, omreden dat mien toal is, woar k in dink en dreum. Speulen mit ledders en woorden. Veurlezen op schoul is ook schier waark.

Ie ook?

Schrieven ie ook haikoes in t Grunnegs, en willen ie ze hier ook wel ploatsen?
Kiek den ais op de Openings bladziede en vul t formeliertje in.