Doede Bruinsma.

Limericks.

Boerenaarbaaider

'n Boerenaarbaaider oet Pekel
haar aan waarken bot hekel.
Boer dei moal zag
Dat e op luie rogge lag
Gaf hom 'n pak op ribben mit strekel.

Burgemeester

Burgemeester van Wedde
Lag mit snieder zien vraauw op bedde.
Waist, wat snieder toun zee?
"Wat ik mit burgemeestersvraauw dee
hol ik moar laiver onder mien pedde".

Boerenvraauw

'n Dikke boerenvraauw oet De Moaten
holt priezen aaltied goud in de goaten.
Zai vruig maarktkoopman: "Dai BH's, wat kosten dai?"
"Vief gulden"."Vief gulden? Geef mie dan moar twai.
Veur dat geld ken 'k ze nait hangen loaten".

Köster

Köster van kerke in Veele
Hef twai honden, 'n sangen en 'n gele.
As e ze oet loaten mout, döt e hail gaauw
Om zien buksem 'n dik stok taauw.
Honden holt e vast aan hupzele.