| Jan Boer (1899-1983)
Schoamt joe nait, joen toal te lezen,
Woarien Moeke alles zee.
Schoamt joe nait veur t aigen wezen,
Schoamt joe nooit veur tolle stee.
-----------------------------------------------
Ien meertmoand 2002 verschient verzoamelbundel mit zo goud as ale gedichten van Hogelandster dichter Jan Boer. Gedichten komen oet zien gedichtenbundels mor ook oet Grunneger tiedschriften doar hai regelmoateg ien schreef.
Boetendes is zien novelle Asveer, verhoal van n hail olle zeevogel, opnomen.
t Bouk wordt omtrent 15 bie 21 centimeter groot en rond 350 bladzieden dik, mit zowat 75 ofbeeldens van waark van kunstenoars, dij mainst lid wazzen van "De Ploeg". t Bouk wordt naaid en bonden ien n vollinnen baand, mit n stofomslag ien vaaierkleurendruk. Veurien komt n petret van dichter op kunstdrukpepier.
Veurientaikenpries tot 1. feberwoarie 2002 is f29,90 of 13,57 euro.
t Aanbod is ainmoaleg. Der worden mor doezend van drukt. Bundel komt nait ien boukhandel. Doarom kinnen ie joen eksemploar bestellen deur f29,90 / 13,57 euro over te moaken op baanknummer 821033417 ten noame van F.C, Schreiber, Middelstum. Tegen tied van verschienen kriegen ie bericht woar je t bouk ofhoalen kinnen. Wilt je t toustuurd hebben, din komt der nog f10,- / 4,54 euro overtou.
|
