Gineke Bouwmeester.

Klain Jampie kwam doaglieks bie buurvrouw Bezoen,
doar zag hai van allerlei zoaken.
Hai kon der speulen in schuur en in toen
en kon zok der doaneg vermoaken.
Op n keer ging Jan mit zien moeke op stap.
Zie stonnen bie n waailand, veur t hek.
De boer zat in t laand.
Hai molk zien vai. Klain Jampie vond t aibels gek.
"Och moeke", ruip t ventje, "kiek es noar dij man.
Doar lach ik om as de tou.
Dij ome dut net as buurvrouw Bezoen: hai sikkemelkt zien kou!"