Harm D. Guikema.

d'r kropt n widde haai
over vismaarkt
dij liekt n beetje of
nogaal ien de waar
t baist hikt, snoeft en hapt
n beste bek vol vis
en n hap oet mien kaar
doe liekst mie oardeg ien de waar
biet moar n hap oet buurmans kaar
en hou wolst doe betoalen?

n grode bek met schaarpe tanden
"kom straks nog moar
n visje hoalen."

Wilst altied
waiten loaten
das der bist,
din hest aal hail wat
wieshaid mist

t is nog vroug
bie ons op t loug
moar veur kroug
was t loat
vannacht op t loug.

k heb nog mit kregen
dat klokke vare sloug
deur de stilte
van ons loug.

nog gain boer mit ploug
mit peerd d'r veur
zoas aaaltied ien t veurjoar
aal vroug bie ons deur t loug.

t waas aal zes moal
dat klokke sloug
en ons moeke aan mie vroug
is t aalweer zo loat
bie ons op t loug?

Diezain?
Most mie zain!

Beter rooie wangen
din n blaauwe neuze

Wilst doe mie beminnen,
din most eerst even pinnen

Ons winkeltje mout dicht
der is gain jong
der is gain wicht
noa zoveul lange joaren
ons winkeltje
ons winkeltje ...mout dicht.

Aan kienders
dij noeit
de goie weg vonden hebben
hangt n hail apaart prieskoartje

Bin je goud
mit joen buren
din huif je
nait te gluren