|
Grunneger Laifde
k Bin veur t eerst in mien leven in Grunnen west
En wat wol ik doar toch bot geern blieven.
Want overal woar as ik kwam, zuls in Pekel
Brak ik mien baide bainen over veul slim nuvere wieven.
k Bin in Oskerd west en ook nog in Troapel
Moar in Ainrom kwam ik zo moar Angelique tegen
Ze had twij vlechtjes en licht blauwe ogen
n Schier wichtje moar ze leek mie een aitske verlegen.
Ze ruik zo puur Grunnegs, dat kin ik die wel vertellen
Ze geurde intens en mit een blik vol van verlangen
Keek ze mie an, tuutte heur zachtrose lippen
En drôkte zai mie wel doezend smokken op baide wangen.
Nog die zulfde oavend bin wie oet dansen goan in Stad
En hebben d haile oavend schoeveld tot daip in de nacht.
En dou zee ze 'mien laiverd, ik hol zo van die'.
k Heb heur toen al smokkend weer noar Ainrom bracht.
Moar ik haar heur beter vot mit noar Stainwiek kun' nemen
Den haar ik heur teminnen veur mien leven laank had
Want bij de veurdeur drôkte ze heur lèste smok.
En zee 'dit was den laifde op zien Grunnegs mien laive schat.'
|
