Jan Blaauw.

Haikoes.

Swaarte noaberkat
kropt kloaglek over t holtwaark,
klimroze stiekelt.

Pispotten bluien
maank hegen en haarstasters
bin in ainen weer kind

Autodeure slagt
rust noar aandere wereld
motor zingt t oet

In gedachten hol’k
voetbale honderd keer hoog
in t echt nait meer

Regen spuilt stroade
schoon, vot binnen voutstappen
oet narreg vleden

Landschopsarchitekt
oet stad het mainsttied wat mit
taikentoavelgruin

Spinnenwebdroaden
worden omliend deur glimmend
vocht: krone op haarst

Angst kin ik mie nait
toustoan zee Vincent van Gogh
dood verrast mie toch

De Schriever

Noam: Jan Blaauw
Geboren: 22-07-1945
Woont in: Noordhörn
Schrift al: vanof de Kweekschoul ("Entjes het der west") incidenteel.

Letste joaren regelmoateg, veuraal noa de kursus "Grunnegers veur begunners". Oaf en tou wat in "Krödde" en "Toal en Taiken". Ook in streekbloaden.
Schoulen: OLS Midwolle, MULO Scheemde, Kweekschool Winschoot.
Waark: OBS Zuudhörn (1967-1972), OBS DE Molshoop Noordhörn (1972-2006).

Ie ook?

Schrieven ie ook gedichten in t Grunnegs, en willen ie ze hier ook wel publiceren?
Kiek den aains op de Openings bladziede en vul t formeliertje in.