Jan H Beukema.

zoals sloten sums recht deur t laand lopen
zo is sums ons levens pad

ook wil t wel ais gebeuren
dat t warreg is as knot van wilg
aan slootwaals kaant

toch is doar altied hail ien de verte
de rechte lien van t platte laand
een dudelke streep tussen boven en onder
of as joe t zo willen
tussen goud en kwoad

dij altied ons pad ien t leven bepoalt.

Stad en laand veraandern
woar vrouger brug lag in t beton
is nou een nije boog
moar in de verte is
aaltied d Olle Grieze as
n achterbleven ruderpoal
in t haarfsteg laand.