Koos Cleveringa.

Gedicht.

Stoa nò toch ais stil

Stoa nò toch ais stil diz keer gain gevlaig
Kiek ais om die hin noar baauwten en gruinlaand
Wotter ien moar en daip t padje woarop dien opa laip.

Stoa nò toch ais stil heur wiend ropt dien noam
dut het die din haaildaal niks,hoal dien oogkleppen vot
tis dr allemoal veur die nò vlugst dr aal weer veurbie.

Stoa nò toch ais stil astoe t heden wils begriepen
Sluut ogen din nait veur t olle kiek dat kerkje op wier
Diekgat achter Mij goa dr deur en vuil die vrij.

De Schriever

Noam: Koos Cleveringa
Geboren: 14-9-1957 ien Rasquert
Woont in: Loppersom
Schrift al: Grunnings sund 2001

ik rie op ain taxibuske bin toenman,postbezörger, boukeman, vrijwilleger bie Lopster swimbad en voebalclub en wieder duk ook nog wel ais wat aander dingen. Ik schrief Grunnings sund 2001 sums ain taimke din weer n verhoaltje. Mor k bin wel ain beetje loi mit schrieven. Ik wil nou en din wel ais wat loaten lezen.

Ie ook?

Ie schrieven ook gedichten in t Grunnegs en willen dij hier ook wel zain loaten?
Kiek den even op de openingsbladziede en vul t formeliertje in.