Marga Geerts.

Geert was aan t vizzen ien t raitdaip
zoas wel meer gebeurde
n poar leujonges haar e met
dai deden net as t heurde.

ze wazzen stil en zeden niks
Geert har den ook gain kloagen
en as ze es wat wollen waiten
den konnen z'hom altied vroagen

mor dou opains hou dat zo kwam
gainain van heur wis t loader
mor t venje dar t dichts bie hom zat
glee zo van waal ien t woader.

mor Geert bedocht hom gain menuut
en net dou jong zol zinken
sprong hai hom achternoa ien daip
en redde hom van t verdrinken.

Een man dij op een ofstand ston
en t zain har kwam dou noader
hai, hai, wat ja n baudel
dat was ja wat veur n voader

Welnee, zee geert, t is gainent van mie
hai gaait voak met mie vizzen
en jong har aal mien wurms ien buus,
en dij wo'k nait geern mizzen.

Der ree een bus van Daam noar Stad,
gain ploats meer onbezet
mor bie Tenboer doar ston nog ain,
dij wol nog slim geern met.

Sjeffeur hiel stil, lait hom der ien
en ging dou weer aan rit.

Mag je smoken hier: vraug hai sjeffeur, dij dit geworden lait
joa, mor as der ain op tegen is den magt netuurlijk nait.

Ik ben der op tegen zee er dou!!!
sjeffeur keek achterom.
nou Rieks, dien piep mot vot
mor Rieks vroug vot aan hom,
vroug vot aan hom
met daddeg zee sjeffeur.
den mot hai der opslag weer uut zee Rieks,
en smookte deur.