Tonnis Evers.

Spreuken en Taimkes.

De leste.

Mit temige stem
Half kurig
Moar mit n serieuze ondertoon:

"Goa altied as leste vot,
Dan hebben ze t nooit over die."

Dizze is veur op n tegeltje:

Grönneger:
As ik niks zeg, is t lekker.

Nog n spreuk:

Goa nooit weerom noar t stee
Woar t te mooi was om woar te wezen.

Tweisproak.

Pa: Wicht, wat is er?
t Wicht: k heb weer verkeern
Pa: Oh, hou haait e?
t Wicht: Evert
Pa: Oh, en wat dut zien pa?

Dou mien opa weer n moal zien stamkroug uutroegelde, zee dörpsgek tegen hom:

Oere.

Oere
Oere doe
Spekkndobbel
Krigst laaiter
Dammee
Oere
Oere doe
Spekkndobbel
Joantje wacht op die
Hi-hi...

Toes.

Onze tint is ienklemd
Tussen twei hoge baargen
Kouvlodders geuren ien t gras
De kolle oavend valt
As een slovve deken om ons tou
Dr brandt naargens licht
Allineg d halve moan geft ons wat zicht
En boven de baarg staait
n Vertraauwde ster...

Doar is t noorden
Doar ligt Stad
Doar binnen de kinder
Ons toes.

De Schriever

Noam: Tonnis Evers
Geboren: 1946 in Neiwol
Woont in: Stad
Schrift al: al hail wat joaren

Ik bin in '46 geboren in het Oldambt (Neiwol). Noa drij joar verhoesden mien olders noar t Westerketaaier (Kornhorn). Doar woonden wie tot mien 18-de. In dij tied ging ik in Fraisland (Drachten) noar de HBS. Dus heb ik ook nog wat Frais leerd. t Westerketaaiers hef sowieso veul Fraise invlouden. Noa 8 jaar Stad kwam ik in Veendam terecht als sportleroar op de technische school. Inmiddels fuseerd mit de WinklerPrins scholengemeenschap. Ik schrief al hail wat joaren, körte verhoaltjes, mor veural gedichten. Maist in t Nederlands en soms in t Grunnings. Vief jaar leden heb ik mien eerste bundel in aigen beheer uitgeven ('Hartstocht en Flarden') en end '99 kwam mien tweide bundel oet, 'Oere, Oere, Doe', uitgeven bie Profiel oet Beem. t binnen Nederlandse gedichten, mit hier en doar n verwiezen noar t Grunnegs. t gait over mien jeugd in Kornhorn, de 87 gedichten binnen in chronologische volgorde ploatst en binnen doarmit ook n rais deur de vieftiger joaren.

Ie zain

Ook stadjers lezen Dideldom en sturen heur biedroagen in...

Ie nait?

Ie wonen nait in Stad mor schrieven wel (ais) in t Grunnings en willen joen gedichten hier ook wel zain loaten?
Kiek den even op de openingsbladziede en vul t formeliertje in.