Tryny de Vries.

Gedicht.

Mokken

Mout dat non aal?
Elk smokt ja elk
Tot drij moal tou
Links - rechts - en den nog n moal links
Op bruloft en partijen
Recepties en cremoaties
Vezides en bie n reünie
In t Zuden en in t Westen
Mor non ook al in t Noorden
Bie ôns!!

Op heur traauwdag krigt het wicht
Van ale gasten drij smokken
Komen d'r twijhonderd man?
Zeshonderd bie t kommen
En zeshonderd bie t goan
Dij stumper.

Dat ken je glad nait moaken

Geef mie mor weer
As----eerder---- gewoon n haand.
Goud stevig en oprecht
Want-bie n haanddruk ken men----
Dat zel blieken
Mekoar in d'ogen kieken.

De Schriefster

Noam: Tryny de Vries.
Geboren: 26 meert 1943
Woont in: Vlagtwedde
Schrift al: joaren

k Bin traauwd mit Karel de Vries. Ik schrief al joaren Grunneger stukjes en zit in de beoordailenscommissie veur de Grunneger Schriefwedstried van de Gemainte Vlagtwedde. Ik zit ook nog in de redactie van onze dörpskraante t Lougblad en lees nog wel ais veur in de bibeltaik (mit de Grunneger Boukendoagen).
Mien aigen schrieverij komt voak in de verdukken omdat k nog zo veul meugelk dingen doun wil zo laank as t nog ken. (k bin MS. patiënt).

Ie ook?

Schrieven ie ook gedichten in t Grunnegs, en willen ie ze hier ook wel publiceren?
Kiek den aains op de Openings bladziede en vul t formeliertje in.