Welling Geel.

Ain huil leven laang
Noeit was e baang
Hai was der en streed
Veur zien gewaiten.

Dat vrouger uut was meten
As ut was woar
Mor nou is e doar
Woar woarhaid nait meer is te meten.

Deur de joaren hén
Was zien herinnering
Van woarhaid dat verdween
En zag hij opains ain ander leven.

Toch is geluk
Nog wat klaine dingen
Aan t ende van zien leven
Alles haar e al geven.

t Goan noar Voaderhuus
Dat wolle geern
Mor t dut zeer
Zien verstilde handen in buus.

Hai wuir ain zing'de ziel
Wat zien Schepper ging zain
Trad boeten zukzulf
As ginge uut ain train.

Wezen as ain mìns
Weerboar en geducht
t wordt ain wolk
Aan de Hemelse lucht.

Wat ain weer weer
Ast kiekst den dinkst
wat ain weer weer

Kiek ik noar de wolken
sirrel ik deur de lucht
ommie hin veul druppels

donkerrood mit blaauw
is de kleur van störm
aal mor weer, wat ain weer

ik sirrel en dou
bin bliede en ook bange
duurt t nog lange

ut weer is gain weer
as t giet tekeer
mit mie as druppel

en aal mor weer, olle keren weer
wil k dele kommen
in ain plazze

soamen mit aandern
druppels hail veul
want den ist wotter

en das wa'k wol