|
Aletta Joacobs. (Aletta Henriëtta Jacobs)
Aletta JoacobsGeboren in Sapmeer, in 1854.
Dokter en feministe.
As lutje wichtje wol ze al dokter worden, net as heur voader, mor vraauwlu moggen doudestieds nog nait studaaiern.
Dou ze zeuventien was schreef ze n braif aan minister Thorbecke en vruig om vrijstellen om te goan studaaiern.
Thorbecke von t goud, onder veurwoarde dat ze in t eerste joar zain luit dat ze t aan kon.
Zo wuir Aletta in 1871 d'eerste vraauw dij aan Grunneger akkedemie inschreven ston.
Dou Thorbecke resultoaten onder ogen kreeg van t eerste joar was t vot aal kloar.
In 1879 was Aletta kloar mit heur studie en mog zai dr. veur heur noam zetten.
t Joar derop begon ze in Amsterdam n dokterspraktiek.
In 1903 huil ze op mit t dokterswaark en gong zuk hailmoal inzetten veur 'Verainen veur Vraauwenkaisrecht'.
Zai wuir internationoal bekend deur heur stried veur gelieke rechten veur vraauwen.
In 1922 konnen vraauwen veur t eerst stemmen.
Aletta Joacobs is in 1929 in Baarn oet tied kommen.
Kiek ook ais op: alettajacobs.org.
|
