DideldomDe Grunneger vlaageGrunnen's Laidtop t Is mor n noam
Menu
BienoamenStip
Foto'sStip
GastenboukStip
GedichtenStip
LaidjesStip
LegendenStip
MopkesStip
NijsStip
ReactieStip
ReseptenStip
SchrieversStip
VerbindensStip
VerhoalenStip
ThoesbladStip
Online Casino Zonder CruksStip


Wat is.
Lakschaauwen
 
in de gaten houden, afluisteren, beloeren, naar gebreken zoeken

Legenden.


Oabel Tasman (Abel Jansz Tasman)

Oabel Tasman
Oabel Tasman
Ontdekkensraaizeger en koopman.
Geboren in Lutjegast 1603.
Hai begon zien loopboan as ainvoudeg zeeman bie de Verainegde Oost-Indische Compagnie en waarkde zuk op tot stuurman.

VOC schip
VOC schip.

Hai wuir op pad stuurd noar de Molukken, Cambodja en Japan woar e noar gold zöchde, mor nait von.
Zien expeditie soamen mit François Jacobsz Visscher in joaren 1642-1643 gaf hom bekendhaid.
Over Mauritius zailde hai noar t oosten, in dezember 1642 kwam e bie nij laand: Tasmanië en Nij-Zeeland, deur Tasman Van Diemenslaand en Stoatenlaand nuimd. Mit de Maories, dij doar thoes waren, kon e mor min vree hollen.
Op weeromraais noar Batavia kwam e bie Tonga en Fiji langs, mit n boge om Austroalië.

Tasman wuir in 1648 schorst deur de VOC omdat hai n 'ondergeschikte' n flink pak op pìnze geven haar tiedens n expeditie noar de Filippijnen.
Hai ging vot bie de VOC in 1653, mor bleef as zulfstandeg ondernemer in Indië.

Tasman kwam oet tied in Batavia in 1659.

Kiek ook ais op abeltasman.org.



Legenden
De stukkies op dizze bladzieden goan over mensen dij deur heur doaden of misdoaden n ploats kregen hebben in de Grunneger geschiedenis.

Veurbeeld?
Dij lu dij goie dingen doan hebben mag je as veurbeeld nemen, dij slechte dingen doan hebben laiver nait.

Aanvullens?
As ie opmaarkens, aanmaarkens of aanvullens hebben den heur wie dat groag van joe.
Op de openingsbladziede staait n formeliertje woar je dat even inzetten kennen.

Dideldom.comBiewaarkt: 24-04-2007Bezuikers: Grunnegers veur elk.