Dag van de Grunneger Geschiedenis.

In t gebaauw van de Grunneger Archieven, aan t Cascadeplaain in Stad, was zotterdag 8 november 2003 de 'Dag van de Grunneger Geschiedenis'.

t Themoa dit joar was 'Pruiven van Geschiedenis', dat kon zowel letterliek as figuurliek.

De mitwaarkers van Waddenproducten en t Compagniester Banket zörgende veur de inwendige mens, waarbie elk Grunneger streekprodukten pruiven, kopen en ter ploatse nuttegen kon. t Was zo drok bie d'eterij dat der gain foto van te moaken was (wel van de drokte mor nait van eterij).

Dij der was wait der van, dij der nait was het verhoalen mit beeld en geluud, kompjoeteranimoatsies, bodemvondsten, toalkurzus, theoater, meziek en wat nait aal, mist.

Der wazzen hail wat luu dij in n uur tied de fiene kneepkes van t Grunnegs leren wollen, Eltje Doddema zien 'Broeskurzussen Grunnegs' trokken n baarg volk, ze mozzen der zulfs bie stoan.

Hieronder n poar ploatjes veur dij der was en dij der nait was.

Der was n bult volk, t was hail schier om der maank te wezen en deur aal t oetstalde te strunen. Der wazzen n bult bliede gezichten. Dat mout organisoatsie goud doun.

'Vermaeckgroep Slag ende Stoot' brocht Middelaiwse meziek.

n Gezelschop van in Middelaiws kostuum stoken akteurs van 'Middelaiw Appèl' oet Troapel zörde de haile dag veur n deurlopend spektoakel.

De meroakel schiere, op schoal noabaauwde, 'Korenbeurs' van LEGO. Woar op t ploatje nog de leste haand aan legt wordt.

En om dat e zo schier is, nog n ploatje der van.

Bekende Grunnegers luipen zo mor maank t volk.

Nait aal t volk was gelieke goud te pas, dizzent wazzen der min aan tou.

Der was genog te lezen, ploatjes kieken kon ook.

Henk Scholte was aan ploatjes moaken, veur t archief.

Jacob Nijboer